广东话搞笑爱情宣言
給至愛的老婆大人XXXXX：
今日我要娶老婆，因為我已經大個。
若然我有咩做錯，激到老婆把幾火。
跪地斟茶猛耳朵，以後只企唔敢坐。
洗衫煮飯唔厭多，順手洗埋個廁所。
用完掃把用地拖，做埋賓仔唔太過。
外母行街返黎抖，斟茶遞水好幫手。
捶骨推拿同按摩，家務我做快又妥。
全副身家歸你管，出糧過戶俾老婆。
經濟大權在妳手，每日廿蚊我就夠。
努力搵錢養成竇，朝六晚九唔駛抖。
豬朋狗友約飲酒，老婆Say No無得走。
無得再飲酒唱歌，乖乖在家同妳磨。
見到靚女掉頭走，如果唔係打到嘔。
老婆規矩雖然多，對我嚴厲要求苛。
但求老婆笑呵呵，一一遵守又如何。
將來我頭髮稀疏，大肚腩個背又駝。
如果你唔嫌棄我，與妳永遠長廝守。
兒孫滿堂福氣夠，共諧連理到白頭。
有请各位聽清楚，老婆老婆我愛妳！
老婆老婆我愛妳，今日请你嫁俾我。
最聽話的老公仔**上
版权声明：本文内容由互联网用户自发贡献，该文观点仅代表作者本人。本站仅提供信息存储空间服务，不拥有所有权，不承担相关法律责任。如发现本站有涉嫌抄袭侵权/违法违规的内容， 请发送邮件至 3372575805@qq.com 举报，一经查实，本站将立刻删除。如若转载，请注明出处：https://yuedu.yahoo001.com/haojuzi/282280.html
